Okeanların istiləşməsi niyə sürətləndi? | 1960-cı ildən sonra...

Sidney Texnologiya Universitetinin alimləri kvant fizikasından istifadə edərək okeanların istiləşməsinin sürətlənməsini izah etmək üçün yeni nəzəriyyə təklif ediblər.

Kvant istilik fizikasının yeni paradiqması çərçivəsində məlum olub ki, okeanlarda yığılan enerji təkcə istilik deyil, həm də enerjinin kvant formalarını ehtiva edir. Bu enerji formaları titrəyən su molekulları ilə əlaqəli hibrid cüt fotonlarla təmsil olunur. Bu isə əlavə enerjinin yığılmasını və okean temperaturunun yüksəlməsinə izahdır.

Fərziyyəni təsdiqləmək üçün son 70 ildə okeanların temperaturu ilə bağlı məlumatlar təhlil edilib. Tədqiqat fiziki modellərdən və okean sularında termodinamik proseslərin təhlilindən istifadə edilməklə aparılıb.

Nəticələr göstərib ki, 1960-cı ilə qədər okeanlar gündüz isinmə və gecə soyuması arasında tarazlıq sayəsində sabit qalıb. Artan istixana qazları ilə atmosferdən gələn əlavə enerji bu tarazlığı pozur. Bu, temperaturun artmasına səbəb olub və dəniz səthinin rekord orta temperaturu 21,1 dərəcə Selsi qeydə alınıb.

Tədqiqatda iqlim modellərində kvant enerjisinin təsirini nəzərə almaq zərurəti vurğulanıb.