Ölənlərin sayı 70-ə çatıb, 300 nəfər itkin düşüb

Honkonqda baş verən yanğından sonra onlarla könüllü insanlara yardım üçün toplaşıb. Onların arasında gənclər üstünlük təşkil edir. Ölənlərin sayı isə artıq 70-ə çatıb.

“Yanğını görəndə dəhşətə gəldim. Buna görə də bacara bildiyim qədər çox sayda insana kömək etməliydim. Zənnimcə, Honkonq xalqı indiki vəziyyətdə birlik nümayiş etdirməlidir”, – könüllülərdən biri olan Ceyson Lau söyləyib.

Qeyd edək ki, yardım kampaniyası zamanı zərərçəkənlərə paltar, yorğan, ayaqqabı və qida məhsulları təqdim olunub. Yanğının fəsadları isə hələ tam aradan qaldırılmayıb. İtkin düşən 300-dən çox insanın axtarışı davam etdirilir. Bu insident Honkonqda son 77 ildə baş verən ən dəhşətli yanğın kimi tarixə düşüb.

Onu da bildirək ki, təsirlərin aradan qaldırılması məqsədilə hökumət 300 milyon Honkonq dolları, təxminən 65 milyon 500 min manat məbləğində pul ayıracaq.