Onlar İranı tərk-silah etməyə çalışırlar | Məhəmməd Baqir Qalibafdan açıqlama

“ABŞ Prezidenti Donald Trampın danışıqlarla bağlı bəyanatı yalnız aldadıcı bir cəhddir”.

Bunu İran İslam Şurası Məclisinin sədri Məhəmməd Baqer Qalibaf parlamentdə çıxışı zamanı bildirib.

O, ABŞ-nin İranı tərk-silah etməyə çalışdığını qeyd edib.

Parlament sədri həmçinin vurğulayıb ki, Tehrandan yeni güzəşt üçün təhdidlər altında aparılacaq danışıqlar sanksiyaların ləğvinə gətirib çıxarmayacaq, yalnız İranın alçaldılmasına yönələcək.

“Ona görə də ABŞ-dən hər hansı məktub gözləmirik”, – deyə sədr bildirib.

Qeyd edək ki, Donald Tramp martın 6-da İranın Ali Rəhbəri Ayətullah Seyid Əli Xameneiyə məktub göndərdiyini və nüvə proqramı ilə bağlı İranla razılaşmaya üstünlük verdiyini açıqlayıb. Xamenei isə bəyan edib ki, Tramp öz tələblərini irəli sürməyə çalışır, lakin İran bunu qəbul etməyəcək.