Özbəkistanda qeyri-adi hadisə qalmaqala səbəb oldu

Özbəkistanda bir qadın ərinə ikinci arvad hədiyyə edib.

Hədiyyənin daha effektli alınması üçün gəlini lentlə bəzədilmiş qutuya yerləşdirib və təntənəli şəkildə oğlana təqdim ediblər.

Hədiyyəni görəndə ər çaşıb və yəqin, bunun nə ilə qurtara biləcəyini anladığı üçün özünü itirib. Birinci arvadının təqdim etdiyi nişan üzüyünü isə götürməyib.

Özbəkistanın sosial şəbəkələrində sürətlə yayılan video böyük qalmaqala səbəb olub. Çünki Özbəkistanda 2 arvadlılıq rəsmən cinayət hesab olunur.

Ölkə Cinayət Məcəlləsinin 126-cı maddəsi ilə bu əmələ görə böyük miqdarda cərimə və 3 ilədək həbs nəzərdə tutulub. İnsanlar bu hərəkətə görə qadının cəzalandırılmasını tələb ediblər. Polis bölməsinə dəvət olunan qadın belə bir izahat verib ki, blogerdir və bu yolla baxış sayını artırmağa çalışıb. Növbəti videosunda məsələyə aydınlıq gətirmək və üzr istəmək şərti ilə onu buraxıblar.