Dünya
Pleyeri seçin:
Papuaşvili Avropa siyasətçilərinə od püskürdü | Polislərə necə hücum edildiyinə baxın!
“Bəzi Avropa siyasətçilərinin zorakılığı sülh adlandırdığını gördük. Bu, sülhdürsə, qoy, öz paytaxtlarınızda hər gün olsun”.
Bunu Gürcüstan parlamentinin sədri Şalva Papuaşvili jurnalistlərə açıqlamasında deyib.
Bildirib ki, siyasətçilər öz susqunluqları ilə əvvəlcə Tbilisidəki aksiyalara təkan veriblər, sonra isə insanların polis əməkdaşlarına “Molotov kokteyli” atmasını dinc etiraz kimi qiymətləndiriblər.
“Gürcü telekanallarını izləyin. Rustaveli prospektində baş verənlərə, polislərə necə hücum edildiyinə baxın. Aksiyalar başlayandan 150-yə yaxın polis əməkdaşının yaralandığını bilirsiniz? İnsanlara, o cümlədən “Birinci Kanal”ın operatoruna atılan daşlar, “Molotov kokteyli”, pirotexniki vasitələr – avropalıların bütün bunları sülh və dinc nümayiş adlandırması ayıbdır. Bu, bir daha sübut etdi ki, bəzi xarici aktorlar reallıqdan qaçmaq üçün hər şey edirlər”, – deyə Ş.Papuaşvili bildirib.
Kopyalandı
Seçilmişlər
