Parisdə hansı məsələlər müzakirə ediləcək? | Sergey Markov görüş barədə açıqlama

ABŞ-Avropa-Ukraynaya baxaq, bu gün Parisdə Fransa Prezidenti Emmanuel Makron, Donald Trampın xüsusi nümayəndəsi Stiven Uitkoff və Dövlət katibi Marko Rubio arasında qapalı danışıqlar aparılacaq. Bir neçə mövzu müzakirə olunacaq.

Bunu rusiyalı politoloq Sergey Markov bildirib.

“Birincisi, Amerika və Avropa arasında tarif müharibəsi. Bir kompromis tapmağa çalışacaqlar.

İkincisi, Ukrayna məsələsi: Avropa sülh danışıqlarını pozmağa davam edəcək, yoxsa D.Trampın müharibəni bitirmək istəyini dəstəkləyəcək? Burada, sülh danışıqlarında Avropanın iştirakı şərtləri müzakirə olunacaq.

Üçüncüsü, İran. Avropa Amerikanın sərt mövqeyi əsasında İranla nüvə proqramı üzrə danışıqlara qoşulmağa hazırdırmı?

Dördüncüsü, İsrail və Fələstin. ABŞ E.Makronun Qəzzada HƏMAS problemini həll etmədən Fələstini tanımaq vədindən narahatdır. E.Makron hazırda Avropanın ən güclü siyasətçisidir və o, Avropa Birliyindəki mövqeyini sata bilər.

Ona görə də bu gün çox şeyə qərar vermək olar. Ukrayna ilə bağlı. Avropa Ukraynaya qoşun yeritmək hazırlığına davam edəcəkmi? Avropa Rusiya ilə sülh danışıqlarında iştirak edəcəkmi?”, – Sergey Markov qeyd edib.