Paşinyan dilinin bəlasına düşdü | Erməni kilsəsi təcili hərəkətə keçdi

"Ayakve" təşəbbüs qrupu Ermənistanın Baş naziri Nikol Paşinyana qarşı cinayət işi açılması ilə bağlı ölkənin baş prokuroru Anna Vardapetyana müraciət ünvanlayıb.

Nikol Paşinyanın Erməni Apostol Kilsəsinin işlərinə müdaxilə etməsi və təhqiramiz ifadələr işlətməsi əsas kimi qeyd olunub.

Yerli medianın məlumatına görə, bu barədə erməni ictimai xadim Avetik Çalabyan məlumat verib.

"Biz Ermənistanın baş prokuroru Anna Vardapetyanın diqqətini N.Paşinyanın bizim nöqteyi-nəzərimizdən dövlətin Erməni Apostol Kilsəsinin daxili işlərinə qarışmasına bərabər olan hərəkətlərinə cəlb etmək istəyirik. Ermənistan Konstitusiyası dövlətin erməni kilsəsinin və ya hər hansı digər dini qurumun işlərinə qarışmayacağına təminat verir", ‒ deyə o bildirib.

A.Çalabyan əlavə edib ki, bunun fonunda N.Paşinyanın sosial şəbəkələrdə paylaşımlarının Ermənistan Konstitusiyasına uyğunluğunun araşdırılması üçün cinayət işinin başlanması lazımdır.