Paşinyan getdikcə Ermənistanda etibarını itirir

"Ermənistanda respondentlərin 67%-dən çoxu Baş nazir Nikol Paşinyana etibar etmir".

Bu barədə “GALLUP Beynəlxalq Assosiasiyası”nın Ermənistan nümayəndəliyinin rəhbəri Aram Navasardyan bildirib.

Onun sözlərinə görə, iyulun 25-də Baş nazirin mətbuat konfransını vətəndaşların 65%-i izləyib. "N.Paşinyanın cavablarına etibar etmək olarmı?" sualına respondentlərin 13%-i “çox güvənmirəm”, 54,4%-i isə “heç güvənmirəm” cavabını verib.

"Biz görürük ki, respondentlərin 67%-dən çoxu N.Paşinyanın cavablarına inanmır və bu, kifayət qədər böyük rəqəmdir", – deyə A.Navasardyan bildirib.

Sorğu iştirakçılarının fikrincə, təhlükəsizlik məsələləri ölkədə ən ciddi problemdir. Respondentlərin 32,4%-i müharibə təhlükəsini, 30,4%-i ümumilikdə təhlükəsizlik məsələlərini, 27,8%-i isə sərhədlərin dəqiqləşdirilməsini qeyd edib.