Paşinyan II Qareginin qardaşını DTK üçün işləməkdə ittiham etdi?

Ermənistanın Baş naziri Nikol Paşinyan Rusiya Prezidenti tərəfindən Erməni Apostol Kilsəsinin Rusiya yeparxiyasının rəhbəri, arxiyepiskop Yezras Nersisyanın (katolikos II Qareginin qardaşı) “Aleksandr Nevski” ordeni ilə təltif olunmasına şərh verməkdən imtina edib.

Bu barədə “Newsarmenia.am” məlumat yayıb.

“Təltif olunması faktına gəldikdə burada şərh edəcək bir şey yoxdur. Hər hansı bir ölkə istədiyi şəxsi, o cümlədən erməni yepiskopunu təltif edə bilər. Onun Rusiya vətəndaşlığının olması da istisna deyil”, – deyə N.Paşinyan brifinqdə bildirib.

O, parlamentin tribunasından arxiyepiskop Yezras Nersisyanı keçmiş Dövlət Təhlükəsizlik Komitəsinin (DTK) agenti adlandırdığını xatırladıb.

“Qəribədir ki, jurnalistlər Ktriç Nersisyandan onun subaylıq andı içdikdən sonra övladının dünyaya gəlməsi ilə bağlı bir izahat gözləmirlər və beləliklə, o, katolikos ola bilməz. Ktriç Nersisyan katolikos deyil. Erməni Apostol Kilsəsinin bu gün katolikosu yoxdur. Bu statusda qanunsuz olaraq oturan bir şəxs var”, – deyə N.Paşinyan bildirib.