Paşinyan “ölüm tələsi”nə düşəcək? - Arxalarında Rusiyanın olduğu şəxslər barədə sensasiya

“Taşir” şirkətlər qrupunun sahibi, Ermənistanda çevriliş çağırışlarına görə həbsdə olan oliqarx Samvel Karapetyan siyasi komanda yaradacağını bəyan edib.

Hökumət Karapetyana məxsus “Ermənistan Elektrik Şəbəkələri” şirkətinin milliləşdirilməsi və hərraca çıxarılması barədə qərar qəbul edib.

Rusiyanın himayəsində olan biznesmenin hakimiyyəti ələ keçirmək istəyi onun Kremldən təlimatlandırıldığı barədə şübhələr yaradıb.

Rusiya Prezident Administrasiyasının rəhərinin müavini Sergey Kiriyenkonun Karapetyanla isti münasibətləri bu ehtimalları artırır. Kiriyenko həm də Kremlin Ermənistan üzrə məsul şəxslərindəndir.

Ermənistan müxalifəti hazırda müxtəlif qruplara bölünüb. Bir tərəfdə Koçaryan-Sarqsyan tərəfdarları, digər yanda keşiş Baqrat Qalstanyanın "müqəddəs müabarizə” adlandırdığı hərəkat və Paşinyanı dəstəkləməyən qərbmeyilli müxalifət var.

Karepetyanın günahlarını II Qaregin yuyur, yəni sirdaş qədər yaxın münasibətlərə sahibdirlər. Bunu Paşinyan da bilir və ona görə ölkədə planlaşdırılan terrorun Eçmiədzində II Qareginin başçılığı ilə hazırlandığını düşünür.

Onların arxasında Moskvanın dayandığı da Paşinyan üçün məxfi məlumat deyil. Yoxsa Ermənistanda yayımlanan Rusiya telekanallarının yayımını dayandırmaq istəməzdi. Əlbəttə ki, Rusiya Xarici İşlər Nazirliyinə çağırılan Ermənistanın səfiri ilə də təkcə bu məsələ ətrafında söhbət aparılmayıb.

O ki qaldı Rusiyanın Ermənistanda hərbi mövcudluğunu artırmaq istəyinə, rəsmi İrəvan bunu təkzib edib. Həm də Paşinyan Gümrüdə “Troya atı” sürprizi ilə qarşılaşmaq istəməz. Halbuki yunanların Yelenası kimi, Rusiyanın da Samvel qədər böyük bəhanələri var. Buna görə də Rusiyaya 237 milyon dollar dövlət borcu olan Ermənistan minaya düşməmək üçün ehtiyatlı addımlayır.