Paşinyan öz adamlarına tapşırıq verdi: Ermənistanda nə baş verir?

Nikol Paşinyan və arvadı Anna Akopyanın davranışları Ermənistanda getdikcə daha çox qıcıq yaratmağa başlayıb.

Artıq təkcə müxalifət tərəfdarları deyil, hətta N.Paşinyanın ən yaxın adamları, partiya üzvləri də narazılıqlarını dilə gətirməyə başlayıblar.

Qeyd olunub ki, ölkədə mövcud gərginlik fonunda Nikol Paşinyan öz adamlarına xalq arasında çox dolanmamağı, qıcıq yaratmamağı tapşırıb. N.Paşinyan və ailəsi isə bu göstərişə özləri məhəl qoymurlar.

Xüsusən Anna Akopyanın tez-tez xalq arasında görünməsi böyük narazılıq yaradır. Çünki Anna Akopyanın onlarla mühafizəçinin əhatəsində olması xalqla bu cür yaxınlığın süni olmasını göstərir, həmçinin cəmiyyətdə ikrah hissi doğurur.

İkrah hissi doğuran daha bir məqam isə A.Akopyanın geyimidir. N.Paşinyanın arvadının son səfəri zamanı çəkdirdiyi selfi kəskin narazılıqla qarşılanıb. N.Paşinyanın tərəfdarları olan "Vətəndaş sazişi" üzvləri belə A.Akopyanın açıq-saçıq geyimdəki selfisindən hiddətləniblər.

Elə son zamanlar bloqçuluğa meyil salan Nikol Paşinyanın davranışı da istər tərəfdarları, istərsə də müxalifət dəstəkçiləri arasında kəskin narazılıqla qarşılanır. Ortada olan mənzərə bir daha sübut edir ki, Nikol Paşinyan və arvadı süni olaraq hələ də xalq tərəfindən sevildikləri obrazını formalaşdırmağa çalışırlar.