Paşinyan Rusiya-Ermənistan arasındakı gərginlikdən danışdı | Səhvə yol verməmişik
Ermənistanın Baş naziri Nikol Paşinyan Rusiya-Ermənistan münasibətlərində yaranan durğunluğa aydınlıq gətirib.
O hətta hakimiyyətə bu məsələdə bəraət də qazandırmaq istəyib.
Belə ki, Baş nazir “Mülki müqavilə” partiyasının iclasında bildirib:
“Biz Rusiya ilə münasibətlərdə heç bir səhv etməmişik. Tərəfdaşlarımız heç nəyə işarə edib deməyəcəklər ki, sizin burada filan öhdəlikləriniz olub, bu öhdəliklər yerinə yetirilməyib. Amma biz onların öhdəliyi olub, amma icra etmədiyi bir sıra məqamları qabarda bilərik”.
N.Paşinyan həmçinin onu da vurğulayıb ki, İrəvanın qaldırdığı suallar qanunauyğundur və Ermənistan Rusiya hakimiyyətindən hələ də onlara mənalı cavab gözləyir.
“Biz cavab almayana qədər bu məsələ həll olunmayacaq. İki ölkə arasında gərginlik davam edəcək”, – deyə Baş nazir bildirib.