Paşinyan və Akopyanın şəkilləri tapdalandı

İrəvanın mərkəzində hökumət binası qarşısında Baş nazir Nikol Paşinyan, həyat yoldaşı Anna Akopyan və Qarabağdakı separatçıların başçısı Araik Arutyunyanın şəkilləri kəsilmiş donuz başı ilə yerə sərilərək tapdalanıb.

Hadisə İkinci Qarabağ müharibəsində ölən əsgərlərin valideynlərinin Ermənistan hökumətinə qarşı keçirdikləri mitinq zamanı baş verib.

Aksiyaya ölən əsgərlərdən birinin anası Naira Melikyan başçılıq edib. Etiraz aksiyasına müxalifətdən olan keçmiş deputatlar Naira Zohrabyan və Zaruhi Postancyan da qoşulub.

“Sən düşünürsən ki, əsgərlərimizin başını yemisən və buna görə heç bir məsuliyyət daşımayacaqsan?!”, – deyə etirazçılar Baş nazirlə görüş tələb ediblər.

Qeyd edək ki, aksiya yerinə çox sayda polis əməkdaşı cəlb olunub, bir neçə nəfər saxlanılıb. Polislə mitinq iştirakçıları arasında toqquşma da olub.