Paşinyandan referendum barədə qərar | Ermənistan Aİ-yə daxil ola biləcək?

“Avropa Birliyinə daxil olmaq üçün referendumun keçirilməsini hazırda məqsədəuyğun hesab etmirəm, lakin Ermənistan xalqının Avropa istəyi var”.

Bunu Ermənistanın Baş naziri Nikol Paşinyan Avropa Birliyi və ABŞ səfirlərinin, beynəlxalq və ictimai təşkilatların nümayəndələrinin iştirak etdiyi “Erməni Demokratik Forumu”nun iclasında çıxışında deyib.

“Əgər referendum olsa, təşviqat aparmalıyıq. Belə olan halda insanlar bizə sual verəcəklər: Necə, nə vaxt, Avropa Birliyi bizi istəyir, ya yox? İnsanlar Avropa Birliyinin bizi qəbul etməyə hazır olub-olmadığını soruşacaqlar. Bu suala cavab verə bilmərəm, çünki AB daxilində proseslər gedir ki, bu da ən azı seçkinin nəticələri ilə bağlı suallar doğurur”, – N.Paşinyan bildirib.