Paşinyanı özündən çıxaracaq sorğu | Nə qədər insan ondan narazıdır?

Ermənistanda respondentlərin təxminən 66 %-i ölkənin Baş naziri Nikol Paşinyanın işini bəyənmir.

“Report” Ermənistan KİV-ə istinadən xəbər verir ki, bu, “MPG/Gallup International Аssociation” tərəfindən 27 fevral-6 mart tarixlərində Ermənistanda keçirilən sorğunun nəticələrində öz əksini tapıb. Sorğuda 1 100 respondent iştirak edib.

MPG-nin məlumatına görə, sorğuda iştirak edənlərin yalnız 9 %-i Baş nazirin fəaliyyətindən tam razıdır. Eyni zamanda sorğunun nəticələrinə görə, hakim “Vətəndaş müqaviləsi” Partiyasının reytinqi 0,5 % yüksəlib.

Ermənistan vətəndaşlarının 11,8 %-i parlament seçkilərinin qarşıdan gələn bazar günü keçiriləcəyi təqdirdə hakim qüvvəyə səs verməyə hazır olduğunu bildirib.

MPG-nin məlumatına görə, respondentlərin 73 %-i ölkədəki siyasi vəziyyəti qeyri-sabit, 6,4 %-i isə tam sabit hesab edir.