Paşinyanın çıxışı Kremlini qəzəbləndirdi: o, məsuliyyətsiz və təxribatçıdır

Kreml Ermənistanın Baş naziri Nikol Paşinyanın oktyabrın 17-də Avropa Parlamentindəki son çıxışını tam məsuliyyətsiz və təxribatçı hesab edir.

Bu barədə Rusiya mətbuatı məlumat verib.

“Biz Ermənistanın Baş naziri Nikol Paşinyanın Avropa Parlamentindəki çıxışını, xüsusən də Rusiya-Ermənistan münasibətləri ilə bağlı fikirlərini tamamilə məsuliyyətsiz və təxribat xarakterli çıxış kimi qiymətləndiririk. N.Paşinyan Volodimir Zelenskinin yolu ilə gedərək sıçrayışlar edir”, – deyə məlumatda bildirilib.

Qeyd edək ki, N.Paşinyan Avropa Parlamentində müttəfiqlərinin hərəkətsizliyindən şikayətlənib. Onun fikrincə, bu, Ermənistanın suverenliyinə əsas təhdidlərdən biridir:

"Xarici qüvvələr hibrid texnologiyalardan istifadə etməklə Ermənistanda daxili qeyri-sabitlik yaratmağa çalışıblar", – deyə Baş nazir bildirib.

N.Paşinyan Qarabağda müvəqqəti yerləşdirilən Rusiya sülhməramlılarını da hərəkətsizlik nümayiş etdirməkdə günahlandırıb.