Paşinyanın yeni imici nəyi ifşa etdi? - Elə sözlər dedilər ki...

Ermənistanın Baş naziri Nikol Paşinyanın yeni imici ermənilər tərəfindən birmənalı qarşılanmayıb.

Gözlənilmədən üzünü qırxan Baş naziri tənqid edənlər də var, dəstəkləyənlər də.

Sosial şəbəkələrdə Paşinyanın yeni imicinə görə iki cəbhə yaranıb: onu söyənlər və müdafiə edənlər.

Hüquq müdafiəçisi Ruben Melikyan Nikol Paşinyanın imic dəyişikliyinə diqqət çəkərək yazıb ki, bu dəccal hakimiyyəti ələ keçirməsindən düz 6 il 6 ay 6 gün sonra belə bir iş görüb və videomesajla ortalığa çıxıb:

“Göstərişləri kimin verdiyini bilmirəm, amma bu adam simvolizmin böyük həvəskarıdır və bu, danılmaz faktdır”.

Paşinyanı müdafiə edən Karen Qaloyan adlı sosial şəbəkə istifadəçisi isə yazıb ki, savadsız media və onun ardınca gedən kütlənin bir aylıq qeybət mövzusu hazırdır.

Sosial şəbəkələrin erməni seqmentində Paşinyanı ruhi xəstə, təlxək, axmaq, boşboğaz adlandıranlar da olub. Eyni anda “cənab Baş nazir, çox cavanlaşmısan, çox gözəl yaraşır” qeydləri edənlər də var.