Paşinyanın yerinə onu gətirmək istəyirlər | Trampın qayıdışı hər şeyi kökündən dəyişəcək?

Ermənistan hökumətində bir neçə nazir və digər yüksəkrütbəli şəxs qəflətən istefa verib.

Məmurların istefa dalğası Baş nazir Nikol Paşinyanın güc strukturlarının rəhbərləri ilə keçirdiyi görüşdən sonra baş verib.

Baş nazir ölkədə təhlükəsizlik məsələlərinə görə məmurları tənqid edib və onlardan istefa verməsini istəyib.

Ermənistanın infrastruktur naziri Qnel Sanosyan və Dövlət Gəlirləri Komitəsinin rəhbəri Rüstəm Badasyan iclasdan dərhal sonra istefa veriblər.

Erməni mediasının yazdığına görə, iclas zamanı Nikol Paşinyan və nazir Qnel Sanosyan arasında kəskin qarşıdurma da yaşanıb. Bundan başqa daxili işlər naziri Vahe Kazaryan, İstintaq Komitəsinin rəhbəri Arqişti Kyaramyan və Korrupsiyaya Qarşı Mübarizə Komitəsinin sədri Sasun Xaçatryan da istefa verib.

Nikol Paşinyan hazırda Vatikanda səfərdədir və nazirlərin istefasına səfərdən qayıtdıqdan sonra münasibət bildirəcəyi gözlənilir.

Maraqlıdır, Ermənistanda nə baş verir?