Peskov İsrailin Suriyaya hücumunu şərh etdi | Rusiya hərbçiləri isə...

“İsrailin Qolan Təpələrindəki bufer zonasında fəaliyyəti çətin ki onsuz da qeyri-sabit olan Suriyada vəziyyətin sabitləşməsinə kömək etsin”.

Bunu Rusiya Prezidentinin mətbuat katibi Dmitri Peskov İsrailin Suriyaya zərbələr endirməsinə münasibət bildirərkən deyib.

Qeyd edib ki, Suriyadakı rusiya hərbçilərinin sayı ilə bağlı heç nə deyə bilməz. Onun sözlərinə görə, bu, Rusiya Müdafiə Nazirliyinin işidir. Rusiya Federasiyasının Suriyanın yeni hakimiyyət orqanları ilə təmaslarının nəticələri ilə bağlı sualı cavablandıran Kremlin sözçüsü bildirib ki, hələ çox az vaxt keçib, ona görə də ətraflı heç nə deyə bilməyəcək.

“Moskva Suriyada sabitliyin tezliklə bərqərar olmasını istəyir”, – deyən D.Peskov Kremlin Suriyada baş verənləri diqqətlə izlədiyini, hazırda orada vəziyyətə nəzarət edənlərlə təmasları dəstəklədiyini qeyd edib.