Peskovdan müəmmalı cavab: Çeçenistan lideri haradadır?

“Kreml Çeçenistan rəhbəri Ramzan Kadırovun səhhəti ilə bağlı məlumat vermir”.

Bunu Rusiya Prezidentinin mətbuat katibi Dmitri Peskov deyib.

“Bizim bu məsələ ilə bağlı heç bir məlumatımız yoxdur. Hər halda Prezident Administrasiyası, çətin ki, sağlamlıq haqqında arayış versin. Ona görə də bu barədə deyəcək heç nəyimiz yoxdur”, – D.Peskov bunu deməklə R.Kadırovun səhhəti ilə bağlı sualdan yayınmaqla, əslində, gəzən şayiələri həm də dolayısı yolla təsdiqləyib. Eyni zamanda Çeçenistan rəhbəri ilə Rusiya Prezidenti Vladimir Putin arasında sentyabrın 17-də heç bir görüş olmadığını da bildirib.

Qeyd edək ki, bəzi media resurslarında sentyabrın 17-də V.Putinlə R.Kadırov arasında görüş olduğu barədə məlumat gedib.