Peskovdan Rusiya-Ukrayna müharibəsi ilə bağlı mühüm açıqlama

“Qərbin Ukrayna münaqişəsində artan iştirakı ilə əlaqədar Rusiya yenilənmiş nüvə doktrinasının müddəalarını tətbiq etməyə hazır olmalıdır”.

Bunu Rusiya Federasiyasının Prezidentinin mətbuat katibi Dmitri Peskov jurnalistlərə müsahibəsində bildirib.

D.Peskov qeyd edib ki, Rusiya Qərbin Ukraynadakı münaqişədə artan iştirakının dərəcəsi ilə bağlı qərar verəcək.

“Qərbin artan müdaxiləsi fonunda biz əlbəttə ki, qərarlar qəbul etməliyik, onları həyata keçirməyə hazır olmalıyıq”, – deyə Kreml rəsmisi vurğulayıb.

Onun sözlərinə görə, Rusiya Silahlı Qüvvələri hansı silahların istifadə edildiyini və necə istifadə edildiyini diqqətlə izləyir, həmçinin Qərbin münaqişədə artan iştirakını qeyd edir.