Politoloq İsmail Cingözdən Qəzza ilə bağlı açıqlamalar

13 oktyabr 2025 502 baxış

Türkiyəli politoloq İsmail Cingöz davam edən Qəzza zolağındakı münaqişə və onun regional siyasətə, ticarətə təsirləri barədə bir sıra mühüm açıqlamalarla çıxış edib. Ekspert vurğulayıb ki, Fələstin-İsrail qarşıdurmasının gərginləşməsi Qırmızı dəniz və Süveyş kanalı akvatoriyasında ciddi logistik və ticarət problemlərinə səbəb olub. Beynəlxalq təşəbbüsləri şərh edən Cingöz bildirib ki, İsrailin Baş naziri Benyamin Netanyahu Türkiyənin Qəzza üzrə sülh planının iştirakçıları arasında olmasını istəmir. Politoloq, həmçinin İsrail tərəfindən Türkiyəyə qarşı edilən dolayı təhdidlərin artmasına diqqət çəkib, "Akkuyu" Atom Elektrik Stansiyası üzərindən edilən hədələri və sosial şəbəkələrdə Ankaraya zərbə endirmək imkanı barədə verilən bəyanatları qeyd edib. O, problemlərin həllinin Antalya Diplomatik Forumu kimi platformalarda dialoq yolu ilə aparılmasının vacibliyini vurğulayıb.

#İsrail-Fələstin münaqişəsi