Polşa hava məkanını bağladı – NATO hərəkətə keçir?

“Biz öz köməyimizi təklif etmişik, çünki “Patriot”lar “Şahed” dronları ilə mübarizədə kömək etməyəcək. “Patriot” ballistik raketlərə qarşı istifadə olunur. ABŞ ayda 50-60 “Patriot” raketi buraxır, Ukrayna isə gündə 500-800 “Şahed” dronu vurur”.

Bu sözləri Ukrayna Prezidenti Volodimir Zelenski söyləyib.

Qeyd edək ki, İsveç də Rusiya dronlarının Polşa səmasına keçməsindən narahatdır və Varşavaya hər cür dəstəyini təklif edib.

Bundan başqa, Stokholm Kiyevə 7,5 milyard dollar dəyərində yardım söz verib.

“Çünki Ukraynaya yardım Avropanın təhlükəsizliyi üçün önəmlidir. Müharibənin gedişatı Avropanın təhlükəsizliyinə təsirsiz ötüşməyəcək. Buna görə də savaşda Rusiya yox, Ukrayna qalib gəlməlidir. Polşaya da lazımi resurlar yerləşdirməyə hazırıq”, ‒ deyə İsveçin müdafiə naziri Pal Yonson bildirib.

Polşa ölkənin şərq hissəsində, Belarus və Ukrayna ilə sərhəddə uçuşları 3 aylıq məhdudlaşdırıb.

Bu barədə “RMF 24”də məlumat yayılıb. Həmin ərazidə yalnız Polşa və NATO-nun hərbi təyyarələri uça bilər.

Latviya da sentyabrın 11-dən ən azı bir həftə müddətində Belarus və Rusiya sərhədində hava məkanını bağlayıb.

Bildirilib ki, NATO-nun hava məkanında Rusiya dronlarının olması ciddi siqnaldır və PUA hücumlarının qarşısını almaq üçün lazımi tədbirlər görülməlidir.