PUA qalıqlarının düşdüyü ərazidə yanğın baş verdiyi açıqlanıb - Baku TV

Rusiya Ordusu yenidən Kiyevə hücum edib, paytaxtda pilotsuz uçuş aparatının qalıqlarının düşməsi nəticəsində yanğın baş verib.

Bu barədə Kiyev şəhər meri Vitali Kliçko "X" sosial şəbəkəsində məlumat paylaşıb.

Onun sözlərinə görə, hadisə yerinə təcili tibbi yardım birqadası və yanğınsöndürənlər cəlb olunub.

Qeyd edək ki, Rusiya qoşunları bundan əvvəl ballistik və "Tsirkon" hipersəs raketlərindən, eləcə də PUA-lardan istifadə edərək Kiyevə və onun vilayətinə hücum təşkil edib. Nəticədə 15 nəfər ölüb.

Bu arada, Rusiya müharibənin 1639-cu günü üçün Ukrayna Ordusunun itkiləri haqda statistikanı yeniləyib. Bu barədə Müdafiə Nazirliyinin rəsmi nümayəndəsi İqor Konaşenkov məlumat yayıb.

Onun sözlərinə görə, xüsusi əməliyyatın başladığı gündən indiyə qədər qarşı tərəfin 673 təyyarəsi, 284 helikopteri, 214 914 PUA-sı, 669 zenit-raket kompleksi, 30 660 tank və digər zirehli texnikası sıradan çıxarılıb. Bundan başqa, 1774 reaktiv yaylım atəş sistemi, 69 742 xüsusi hərbi avtomobil texnikası, 36 211 artilleriya və minaatanı məhv edilib.