Putin buna görə ordunu geri çəkməyəcək | Müharibə barədə sensasiyalı şərh

Bu gün Moskvanın Ukraynaya qarşı təcavüzünü azaltmaq üçün çox az stimulu var, əksinə, Vladimir Putin özünü hərbi qələbəyə yaxın hiss edə bilər.

Bu barədə “Associated Press”in araşdırmasında bildirilib.

Qeyd olunub ki, rus qoşunları cəbhədə davamlı irəliləyiş əldə edir, Rusiya iqtisadiyyatı hələ çökməyib və müxaliflərə qarşı repressiyalar Putini müharibəni bitirməyə təşviq edə biləcək hər hansı daxili təzyiqi aradan qaldırır:

“Finlandiyanın keçmiş prezidenti Sauli Niiniste qeyd edib ki, Putin sistemli düşünür, Tramp isə iş adamı kimi davranaraq tez həll yollarına can atır. Ona görə də bu ikisi, yəqin ki, heç vaxt razılığa gələ bilməyəcək. Əksinə, Putin yavaş-yavaş Rusiyanın hərbi mövqelərini gücləndirməyə, həm Kiyevin, həm də Qərbin siyasi iradəsini zəiflətməyə davam edəcək”.

Rusiyalı sabiq diplomat Boris Bondarev isə bildirib ki, Putin Trampın Ukraynadakı müharibədən yorulmasına və diqqətini başqa məsələlərə yönəltməsinə ümid edir.

Böyük Britaniyanın Rusiyadakı keçmiş səfiri Lori Bristou vurğulayıb ki, rusların danışıqlara girməsi hələ də real kompromislərə hazır olmaq demək olmayacaq.

Onun sözlərinə görə, Rusiyanın danışıqlar strategiyası belə görünür: “Mənim olan mənimdir, sizinki isə danışıqların mövzusudur”.