Putin Qərbin müdaxiləsindən danışdı

“Rusiya Ukraynadakı münaqişəni bitirmək istəyir”.

Bunu Rusiya Prezidenti Vladimir Putin hospitalda hərbçilərlə görüşündə bildirib.

Onun sözlərinə görə, Ukrayna Rusiyanın düşməni deyil, Rusiyanın düşməni onun strateji məğlubiyyətinə nail olmaq istəyənlərdir:

“Bizim rəqiblərimiz Qərb ölkələridir. Sadəcə olaraq Ukraynanın əli ilə öz problemlərini həll edirlər. Qərb əsrlər boyu Rusiya ilə mübarizə aparmağı qarşısına məqsəd qoyub, indi də bu yolla davam edir. Ukrayna bizim düşmənimiz deyil. Rusiyanı məhv etmək istəyənləri isə biz daha tez məğlub edəcəyik. Biz də münaqişəyə son qoymaq istəyirik. Ancaq öz şərtlərimizlə”.

Rusiya Prezidenti Belqorodda baş verənləri isə terror aktı adlandırıb: "Əlbəttə, biz Kiyevin və istənilən başqa şəhərin meydanlarına zərbə endirə bilərik. Başa düşürəm, mənim içim də yanır, amma bizə mülki insanları vurmaq lazımdır? Xeyr, biz hərbi hədəfləri vururuq, belə də davam edəcəyik", – deyə Rusiya Prezidenti vurğulayıb.