Putin "Taxıl sazişi" ilə bağlı şərtini açıqladı

“Mən dəfələrlə demişəm ki, biz bu qərarı verməyə məcburuq. Çünki Qərb ölkələri Rusiyanın kənd təsərrüfatı istehsalçılarının dünya bazarlarına çıxışını təmin etmədikləri üçün taxıl sövdələşməsinin həyata keçirilməsinə mane olur və hələ də mane olmaqa davam edirlər”.

Bunu Rusiya Prezidenti Vladimir Putin Soçidə türkiyəli həmkarı Rəcəb Tayyib Ərdoğanla birlikdə keçirdiyi mətbuat konfransında deyib.

“Yəni onlar taxıl və gübrələrimizin ixracına qarşı sanksiyaları götürməkdən, Rusiyaya kənd təsərrüfatı texnikası və ehtiyat hissələrinin tədarükünü bərpa etməkdən, gəmilərin logistikası və yük daşımaları, bank xidmətləri və ərzaq məhsullarının sığortası ilə bağlı problemləri aradan qaldırmaqdan imtina edirlər.

“Taxıl sazişi”nin bərpası imkanlarını nəzərdən keçirməyə hazırıq. Bu gün Prezident R.T.Ərdoğana bir daha dedim. Rusiyanın aqrar sənaye məhsullarına qarşı sanksiyaların ləğvinə dair bütün razılaşmalar tam yerinə yetirilən kimi biz bunu edəcəyik”, – V.Putin qeyd edib.