Ərdoğan: Taxılı kasıb ölkələrə göndərmək istəyirik

“Qara dəniz taxıl dəhlizindən ən az inkişaf etmiş və yoxsul Afrika ölkələrinə göndəriləcək taxıl mühüm əhəmiyyət kəsb edir. Amma buradan gələcək taxılın 44 faizi Avropa ölkələrinə gedirsə, təbii ki, Rusiya buna müsbət baxmır”.

Bunu Türkiyə Prezidenti Rəcəb Tayyib Ərdoğan həmkarı Vladimir Putinlə ikitərəfli görüşdən sonra deyib.

Rusiyanın kasıb ölkələrə taxıl göndərmək istədiyini bildirən Prezident R.T.Ərdoğan sözlərini belə davam etdirib:

“Bu gün keçirdiyimiz görüşdə V.Putin dedi ki, yoxsul ölkələrə 1 milyon ton taxıl göndərmək üçün logistika işləri aparıblar. Türkiyə olaraq biz də bu işdəyik və sizdən gələcək bu taxılları dəyirmanlarımızda üyüdə və un şəklində yoxsul Afrika ölkələrinə göndərə bilərik”.