Putin Rusiya üçün önəmli qərar verir | Təhlükəsizlik üçün görüləcək işlər açıqlandı

“Rusiya Prezidenti Vladimir Putin ölkənin təhlükəsizliyi üçün zəruri qərarlar verir”.

Bunu Kremlin sözçüsü Dmitri Peskov ABŞ lideri Donald Trampın rusiyalı həmkarına ünvanladığı tənqidi fikirləri şərh edərkən deyib.

O əlavə edib ki, Kiyevin Qələbə bayramı ərəfəsində liderləri necə hədələdiyinin şahidi olduq:

“Təhdidləri hamı eşitdi. Orada olan liderlər böyük gün ərəfəsində dron hücumuna cəhdin şahidi oldular. Prezident Rusiyanın təhlükəsizliyini təmin etmək üçün əlindən gələni edir.

Əlbəttə ki, Rusiya ABŞ-yə, xüsusən də Prezident Donald Trampa Ukrayna ilə danışıqlar prosesinin başlanmasında təşkilatçılığına və göstərdikləri köməyə görə minnətdardır. Amerika tərəfi bu məsələnin həlli yolunda çox böyük səy göstərib. Bu, böyük nailiyyətdir və məsuliyyətli işdir. Ona görə də emosional reaksiyalar olur. Hər şeyi diqqətlə izləyirik”.

Qeyd edək ki, Donald Tramp Vladimir Putinin Ukraynaya hücumunu tənqid edib və Rusiya liderinin bu addımını dəlilik adlandırıb.