Putin və Tramp illər sonra bir araya gəldi | Görüş barədə sensasiyalı məlumat

Rusiya Prezidenti Vladimir Putin ABŞ Prezidenti Donald Trampla görüşmək üçün Alyaskanın Ankoric şəhərinə gəlib.

Rusiya liderini gətirən təyyarə Bakı vaxtı ilə saat 22:20-də eniş edib.

Ankoricdəki Elmendorf-Riçardson hərbi bazasında Rusiya Prezidentini Donald Tramp şəxsən qarşılayıb.

Dövlət başçıları daha sonra eyni avtomobilə əyləşərək uçuş-enmə zolağından aralanıblar və hərbi bazanın ərazisində danışıqlar üçün ayrılmış otağa gəliblər.

Media nümayəndələrinin qısa görüntülər çəkməsindən sonra görüş "üçün üçə" formatında başlayıb. Putin və Tramp danışıqların əvvəlində mətbuata hər hansı şərh verməkdən çəkinib və medianın suallarını cavablandırmayıblar.

Qeyd edək ki, danışıqların əvvəlcə Donald Trampla Vladimir Putin arasında təkbətək formatda keçiriləcəyi bildirilsə də, son anda format dəyişdirilib və "üçün üçə" formatına keçirilib. Görüşdə ABŞ tərəfindən dövlət katibi Marko Rubio və Prezidentin xüsusi nümayəndəsi Stiven Uitkoff, Rusiya tərəfindən isə Prezidentin köməkçisi Yuri Uşakov və xarici işlər naziri Sergey Lavrov iştirak edib.