Putinə ABŞ prezidentləri ilə bağlı açıq sual

“Rusiya amerikalıların seçdiyi istənilən ABŞ Prezidenti ilə işləməyə hazırdır, lakin daha yaxşı olar ki, bu, Co Bayden olsun”.

Bunu Kreml rəhbəri Vladimir Putin jurnalist Pavel Zarubinə müsahibəsində deyib.

“Cozef Bayden daha təcrübəli, proqnozlaşdırıla bilən insandır, köhnə formasiyanın siyasətçisidir. Ancaq biz Amerika xalqının güvəndiyi istənilən ABŞ lideri ilə işləyəcəyik”, – V.Putin vurğulayıb.

Vladimir Putin əlavə edib ki, Rusiyanın nöqteyi-nəzərindən ABŞ-də getdikcə daha kəskin formalar alan seçki kampaniyasına müdaxilə etmək düzgün deyil. Moskva üçün daha vacib olan hansısa prezidentin sağlamlıq vəziyyəti deyil, namizədlərin siyasi mövqeyidir.