Putinin əlinə dəhşətli fürsət keçəcək? - Trampın qərarı dünyanı qarışdıracaq

ABŞ Prezidenti Donald Trampın sülh planı Ukraynanın suverenliyini məhdudlaşdıra və Rusiyanı digər qonşu ölkələrə qarşı yeni təcavüzlərə təşviq edə bilər.

Bu barədə “The Times” yazır.

Təhlildə qeyd olunur ki, münaqişənin bugünkü cəbhə xəttində dondurulması Rusiyanın Ukraynaya daha ağır zərbələr endirmək fürsətindən istifadə etməsini təmin edəcək:

“Rusiyaya Ukrayna ərazisinin hər hansı bir hissəsini verəcək sülh sazişi beynəlxalq qaydalara əsaslanan və sərhədlərin güc yolu ilə dəyişdirilə biləcəyi anlayışını normallaşdıracaq ölümcül səhv olacaq. Rusiyanın qonşuları, Avropadan kənar ölkələr, o cümlədən Tayvan və Cənubi Koreya risk altında qalacaq”.

İndiyə qədər D.Tramp Administrasiyası Kiyevin qarşısına iki seçim qoyub: ya sülh sazişi ilə razılaşacaqlar, ya da ABŞ danışıqlardan çəkiləcək.

“The Times”ə görə, ikinci variantın nəticəsi sülhə maneənin Rusiya yox, Ukrayna olduğu fikri olacaq. Bu, Rusiyanın dünya birliyinə reinteqrasiyası və ona qarşı sanksiyaların ləğvinə gətirib çıxaracaq.

Nəşr hesab edir ki, belə bir razılaşma Rusiya kimi dövlətlər üçün dinc xalqları qorxutmaq üçün bir vasitə rolunu oynayacaq.