Putinin köməkçisi prezidentlərin mümkün görüşündən danışdı - Baku TV

“Əgər Ukrayna Prezidenti Volodimir Zelenski rusiyalı həmkarı Vladimir Putinlə görüşə hazırdırsa, Rusiya onu Moskvaya dəvət edir”.

Bunu jurnalistlərə açıqlamasında Rusiya Prezidentinin beynəlxalq məsələlər üzrə köməkçisi Yuri Uşakov bildirib.

Onun sözlərinə görə, Rusiya Putinlə Zelenski arasında təmaslardan imtina etmir, lakin bu görüşlər hazırlanmalı və konkret müsbət nəticələrə nail olmağa yönəlməlidir.

Uşakov əlavə edib ki, Putin dəfələrlə Zelenskinin dialoqa açıq olduğu təqdirdə, Moskvaya gələ biləcəyini deyib.

O vurğulayıb ki, Rusiya Moskvada Zelenskinin təhlükəsizliyinə tam təminat verməyə hazırdır:

“Rusiya Putinlə Zelenskinin təmasını rədd etmir, lakin onlar yaxşı hazırlıqlı və nəticəyə yönəlmiş olmalıdırlar. Onların görüşü məsələsi Rusiya Prezidenti ilə Tramp arasında telefon danışıqlarında bir neçə dəfə qaldırılıb”.

Yeri gəlmişkən, ABŞ Prezidenti Donald Tramp Rusiyaya Putinlə Zelenski arasında görüşün mümkünlüyünə baxmağı təklif edib.