Putinin Paşinyana cavabı nə olacaq? - Nikol erməniləri aldadır ki..

“Paşinyanın Rusiyanı Ermənistanda dövlət çevrilişinə cəhddə ittihamları qeyri-adekvat olduğuna görə Moskva buna cavab verməyəcək”.

Bunu rusiyalı politoloq Andrey Areşev Paşinyanın Rusiyanı Ermənistanda dövlət çevrilişinə cəhddə ittiham etməsi bəyanatını şərh edərkən deyib.

“Rusiyanın bu ittihamlara reaksiyasına gəlincə, Moskva bu cür bəyanatlara ən azı rəsmi səviyyədə reaksiya verməyəcək. Çünki bu bəyanatlar qeyri-adekvatdır və öz destruktiv hərəkətlərinə görə məsuliyyəti başqasının üzərinə atmaq istəyidir. Bu, artıq cənab Paşinyanın bir neçə dəfə parlaq şəkildə nümayiş etdirdiyi çoxdankı taktikasıdır”, – o bildirib.

Politoloqun fikrincə, Paşinyanın məqsədi Ermənistan cəmiyyətini aldatmaqdır:

“Onun bütün sözləri məsuliyyəti başqasının üzərinə yükləmək məqsədi daşıyır, onların aydın məqsədi, xalqını yıxmağa davam etmək üçün aydın fonu var. Təcrübə göstərir ki, bu cür üsullara və demaqoq bəyanatlara əsaslanan siyasət gec-tez çökəcək. Müasir Ermənistanın timsalında İrəvan rəhbərliyinin məhz bu işlə məşğul olduğunu görürük. Çox kədərlidir, amma təəssüf ki, belədir”.