“Putinin yeganə ümidi...” | Rusiyanın müharibə ilə bağlı qalmaqallı planları

Rusiya Prezidenti Vladimir Putin Ukrayna şəhərlərinə endirilən zərbələrlə Qərbi inandırmağa çalışır ki, qələbə qazanmaq əzmindədirlər. Bu, ukraynalıları ruhdan salmaq məqsədi daşıyır.

ABŞ-də fəaliyyət göstərən Müharibənin Öyrənilməsi İnstitutunun analitikləri bu fikirdədirlər.

Üç il ərzində Rusiyanın hücum taktikası dəyişsə də, tələbləri dəyişməz olaraq qalır.

V.Putinin yeganə ümidi Qərbin Ukraynaya yardımı dayandırmasıdır. Onun fikrincə, Rusiyanın NATO və Şərqi Avropa ölkələrinə qarşı aqressiv ritorikası diqqəti Ukraynadakı uğursuzluqlardan yayındıracaq.

Analitiklər düşünürlər ki, İstanbul danışıqları da Rusiya üçün fürsətdir. Çünki V.Putinin Türkiyəyə göndərdiyi nümayəndə heyəti çıxışları ilə ABŞ və Avropanı Ukraynanın çarəsizliyinə inandırmağa çalışır. Məqsəd bu ölkəyə yardım tərəddüdü yaratmaq və cəbhədə qələbə qazanmaqdır.