Dünya
Pleyeri seçin:
Qaçqın düşərgəsi atəş altında | İsrail Ordusundan Livan və Qəzzaya şiddətli zərbələr
İsrailin Livana hücumları ilə bağlı açıqlama verən Livanın Səhiyyə Nazirliyi ölənlərin sayını açıqlayıb.
Nazirlikdən noyabrın 15-də İsrail ordusunun Livanın bir çox bölgəsində həyata keçirdiyi hücumlarda 59 nəfərin öldüyü, 182 nəfərin yaralandığı bildirilib.
Livan Səhiyyə Nazirliyi son hücumlarda ölənlərlə birlikdə həlak olanların ümumi sayının 3445 olduğunu qeyd edib. İsrailin hücumları zamanı yaralananların sayı isə 14599 nəfərə yüksəlib.
Bu arada, İsrail ordusu Qəzza zolağında Nuseyrat qaçqın düşərgəsinə zərbələr endirib. Məlumata görə, Qəzzanın mərkəzi hissəsindəki düşərgənin şimal-qərb bölgəsi İsrail artilleriyasının atəşinə məruz qalıb.
Bundan başqa, İsrail qırıcıları Qəzzanın şimal-qərb bölgələrinə zərbələr endirib. Ölən və yaralılarla bağlı hələ ki məlumat verilməyib.
Kopyalandı
Seçilmişlər
