Pleyeri seçin:
“Qalatasaray” Çempionlar liqasında pley-off matçına çıxıb
“Qalatasaray” komandası UEFA Çempionlar liqasının pley-off mərhələsində ilk görüşünü keçirib.
“Sarı-qırmızılar” İsveçrədə “Yanq Boyz” kollektivinin qonağı olub.
“Vankdorf” stadionunda baş tutan matçda ilk hissə meydan sahiblərinin 2-0 hesablı üstünlüyü ilə yekunlaşıb. Joel Monteyru fasiləyədək dublunu rəsmiləşdirib.
Ancaq “cimbom” ruhdan düşməyib. Əvvəlcə 66-cı dəqiqədə fərqi azaldan Mişi Batşuayi bir qədər sonra 2-ci topu “Yanq Boyz”un qapısına göndərib.
84-cü dəqiqədə isə İstanbul təmsilçisi azlıqda qalıb. Əbdülkərim Bardakçı 2-ci sarı vərəqədən sonra meydandan uzaqlaşdırılıb.
Qarşılaşmada son nöqtəni penaltini dəqiq yerinə yetirən Filip Uqriniç qoyub. “Yanq Boyz” – “Qalatasaray”: 3-2.
Bu komandalar arasında cavab görüşü avqustun 27-si İstanbulun “Rams Park” arenasında təşkil olunacaq.
Kopyalandı
#Yanq Boyz FK teqi istifadə olunub
Seçilmişlər
