Çempionlar Liqası: "Qalatasaray" "Yanq Boyz"la üz-üzə gəlib
“Qalatasaray” komandası UEFA Çempionlar liqası ilə vidalaşıb.
“Rams Park” arenasında “Yanq Boyz”u qəbul edən “sarı-qırmızılar” 90 dəqiqə ərzində rəqibin qapısına yol tapa bilməyib. Əvəzində oyunun sonlarında Alan Vircinius İsveçrə klubuna qalibiyyəti gətirən qolu vurub. 88-ci dəqiqədə isə Fernando Muslera birbaşa qırmızı vərəqə ilə meydandan uzaqlaşdırılıb.
Beləliklə, İstanbulda keçirilən qarşılaşma “Yanq Boyz”un minimal hesablı qələbəsi ilə yekunlaşıb. Tərəflər arasında ilk görüşdə “cimbom” 2-3 hesabı ilə uduzduğu üçün 2 oyunun nəticəsinə əsasən İsveçrə təmsilçisi Çempionlar liqasının əsas mərhələsinə adlayıb. “Qalatasaray” isə yoluna Avropa liqasında davam edəcək.
Qeyd edək ki, günün yekununa görə “Yanq Boyz”la yanaşı, daha 2 kollektiv – Avstriyanın “Zaltsburq” və Çexiyanın “Sparta Praqa” komandaları Çempionlar liqasında növbəti raunda adlayıblar.
#Qalatasaray FK teqi istifadə olunub
- “Qalatasaray”, yoxsa “Fənərbağça”: İstanbul derbisində qalib kim oldu? - Baku TV
- Viktor Osimhen “Qalatasaray”ın texniki heyətini sevindirib | Yeni idman xəbərləri
- 5 klub "Qalatasaray"ın məşhur oyunçusuna göz dikib | Yeni idman xəbərləri - Baku TV
- "Liverpul" - "Qalatasaray" matçında maraqlı məqamlar | Yeni idman xəbərləri - Baku TV
- İstanbul derbisində gərgin matç: "Beşiktaş" - "Qalatasaray" oyununda nələr yaşandı? - Baku TV
