Pleyeri seçin:
Qalmaqallı məsələnin həlli | Ukrayna və ABŞ arasında vacib memorandum imzalandı
“Ukrayna və ABŞ nümayəndələri yeraltı sərvətlərə dair saziş bağlamaq niyyətlərini göstərən memorandum imzalayıblar”.
Bunu Ukraynanın iqtisadiyyat nazirinin birinci müavini Yuliya Sviridenko deyib.
“Biz Ukraynanın Bərpasına İnvestisiyalar Fondu yaratmağa hazırlaşırıq. Müvafiq saziş əhəmiyyətli investisiyalar, infrastrukturun modernləşdirilməsi və Ukrayna ilə ABŞ arasında qarşılıqlı faydalı tərəfdaşlıq üçün imkanlar açacaq. Komandaların sənəd üzərində işlədiyi məqsəd də budur", ‒ deyə Y.Sviridenko bildirib.
İndi tərəflər sazişin mətnini “yekunlaşdırıb” imzalamalıdırlar.
Müqavilə ölkələrin parlamentləri tərəfindən ratifikasiya edildikdən sonra qüvvəyə minəcək.
Kopyalandı
