Qərbə meyillənən İrəvan bu dəfə... | Qriqoryan hər şeyi danışdı

Rusiya ilə münasibətlərin pisləşməsi fonunda Ermənistan ABŞ ilə birlikdə ölkədə yeni Atom Elektrik Stansiyası tikməyi planlaşdırır.

Bu barədə ölkənin Təhlükəsizlik Şurasının sədri Armen Qriqoryan “Ermənistan – Qərb Tərəfdaşlığı – Avropa İttifaqı, çağırışlar və imkanlar” adlı panel müzakirədə çıxışı zamanı deyib.

“Yeni Atom Elektrik Stansiyasının tikintisi ilə bağlı danışıqlarda biz çox mühüm mərhələyə qədəm qoyduq. İndi biz ABŞ ilə kosmosun hüquqi tənzimlənməsi məsələsini müzakirə edirik, çünki bu olmadan biz irəli gedə bilməyəcəyik. Hələlik topun Vaşinqtonun meydanında olduğunu sizə deyə bilərəm. Biz indi ABŞ-nin daxili proseslərinin yekunlaşmasını gözləyirik. Bundan sonra isə fəaliyyətə keçəcəyik”, – deyə o bildirib.