Qəzza planı açıqlandı | Fələstin tamamilə kənarlaşdırılır?

İsrailin Baş naziri Benyamin Netanyahu müharibədən sonra Qəzza zolağının idarə edilməsi planını ilk dəfə Nazirlər Kabinetinə təqdim edib.

Yerli KİV-in yaydığı məlumata görə, rəsmi Təl-Əviv müharibədən sonra bütün sektorlarda vaxt məhdudiyyəti olmadan fəaliyyət azadlığını qoruyacaq.

Bundan əlavə, Qəzza zolağında yaşayan israillilərin yaşayış məntəqələri yaxınlığında təhlükəsizlik zonası yaradılacaq. İsrail hərbi qruplaşmaların yenidən silahlanmasının qarşısını almaq üçün Qəzza zolağı ilə Misir arasındakı sərhədi də bağlı saxlayacaq.

Diqqətçəkən məqam ondadır ki, planda Fələstin Administrasiyasının adı çəkilmir və onun müharibədən sonra sözügedən ərazinin idarə olunmasında iştirakı istisna edilir. Xəbərdə Qəzza zolağında yalnız mülki işlərin, inzibati təcrübəyə malik və terror təşkilatlarını dəstəkləyən ölkə və ya təşkilatlarla əlaqəsi olmayan yerli məmurlar tərəfindən idarə olunacağı vurğulanıb.