Qəzza şəhəri yenidən atəşə tutuldu | Türkiyədən Fələstinə dəstək
“Fələstinə qarşı təhdidlər aradan qalxmadıqca, regionda heç bir dövlət üçün təhlükəsizlik təmin olunmayacaq”.
Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində bildirib.
O həmçinin Türkiyənin 1967-ci il sərhədlərinə əsaslanan ikidövlətli həll modelini dəstəklədiyini və bütün səylərin bu istiqamətdə davam etdirildiyini qeyd edib.
“Havaların soyuması və yağışların intensivləşməsi Qəzzada humanitar durumu daha da ağırlaşdır. Müvəqqəti çadırlarda yaşayan minlərlə fələstinli çətin şəraitlə üz-üzədir. Türkiyədən Qəzzaya konteyner tipli yaşayış məntəqələrinin göndərilməsi prosesi davam edir”, ‒ deyə Ərdoğan vurğulayıb.
Qeyd edək ki, atəşkəs qüvvədə olsa da, noyabrın 17-si axşam saatlarında İsrail Ordusu Qəzza şəhərinin mərkəzindəki məcburi köçkünlərin sığındığı məktəbin girişini və həyətdəki çadırı pilotsuz uçuş aparatı ilə bombalayıb. Məlumata görə, hücum nəticəsində qadınlar, uşaqlar və yaşlılar daxil olmaqla, 10 mülki şəxs yaralanıb.
#Fələstin teqi istifadə olunub
- Roma Papası Ərdoğanla nələri müzakirə edib?
- Hərbi əməliyyat zamanı fələstinli yeniyetmə və gənc öldürüldü
- İsrail vətəndaşları fələstinlilərin evlərini niyə daşlayırlar?
- Qəzzada atəşkəs olsa da, dağıntılar altından 15 meyit çıxarılıb
- Prezident İlham Əliyevdən Fələstin Prezidentinə milli bayram münasibətilə təbrik
