site.post.choose_player
“Qlobal Sumud” Flotiliyasında hücuma məruz qalanlar ölkələrinə dönüb
İsrail tərəfindən beynəlxalq sularda hücuma məruz qalıb saxlanılan fəalların bir çoxu ölkələrinə geri dönüb.
Türkiyəyə geri gətirilən “Qlobal Sumud” Flotiliyasında yer alan fəallardan Davut Daşkıran Mersin şəhərində qarşılanıb.
D.Daşkıran bildirib ki, “Biz silahsız getmişdik. Onlar isə belə bir qrupun qarşısına donanma ilə çıxdılar”.
Qəzzaya humanitar yardım aparmaq üçün yola çıxan “Qlobal Sumud” Flotiliyasına hücum edərək İsrailin saxladığı 4 nəfər Böyük Britaniya vətəndaşı Londona qayıdıb. Fəalları Fələstin tərəfdarları və yaxınları qarşılayıblar.
Qeyd edək ki, saxlanılan “Qlobal Sumud” Flotiliyası iştirakçıları arasında Böyük Britaniyanın 13 vətəndaşı olub.
Həmçinin İsrailin hücum edərək saxladığı 29 fəal da öz növbəsində “Air Europa” hava yollarının müntəzəm reysi ilə Təl-Əvivdən Madridə çatıb. Bu fəallardan 21 nəfəri İspaniya, digərləri isə Portuqaliya və Niderland vətəndaşıdır.
site.post.link_copied
site.post.chosen_posts
