"Crocus"dakı terror aktında təqsirləndirilənlərin vəkilləri nəyi açıqladı?

“Crocus”da törədilən terror aktı ilə bağlı istintaq başa çatıb.

Rusiya İstintaq Komitəsi Moskva vilayətinin Krasnoqorsk şəhərindəki “Crocus City Hall” konsert zalında baş verən terror aktı ilə bağlı araşdırmasını başa çatdırıb, tərəflər materiallarla tanış olmağa başlayıblar.

“Crocus”da terror aktı işi üzrə təqsirləndirilən şəxslərin vəkilləri bildiriblər ki, onlar işin mahiyyəti üzrə baxılması üçün martın sonunda, faciənin ildönümündə məhkəməyə təqdim ediləcəyini gözləyirlər.

Qeyd edək ki, “Crocus City Hall”da terror aktı 2024-cü il martın 22-də baş verib. Hücum edənlər konsert salonunda dinc insanlara atəş açıb, zalı yandırıblar, sonra isə binanı tərk edərək avtomobillə qaçıblar. Hücum nəticəsində 6-sı uşaq olmaqla 145 nəfər həyatını itirib, 551 nəfər isə yaralanıb.