"Titanik"ə görə batan turistlərin ölümü təsdiqləndi
ABŞ Sahil Mühafizəsi “Titanik”ə baxmağa gedən turistlərin öldüyünü təsdiqləyib. İyunun 18-də, dalış başlayandan təxminən 1 saat 45 dəqiqə sonra yoxa çıxan sualtı qayığın ekipaj üzvlərinin ölüm səbəbi məlum olub.
Bu barədə batiskafın sahibi olan "OceanGate Expeditions" şirkəti məlumat yayıb: "Gözlənildiyi kimi, sualtı qayıqda içəriyə doğru partlayış baş verib. Suyun təzyiqindən batiskaf batmış gəminin qəzaya uğradığı yerdən 487 metr aralıda banka kimi sıxılıb. Bunu "Titanik"dən 200 metr aralıda uzaqdan idarə olunan sualtı qayıq tərəfindən tapılan qalıqlar sübut edir".
Qeyd edək ki, sualtı qayıqda "Action Aviation" şirkətinin sahibi britaniyalı milyarder Hamiş Hardinq, pakistanlı iş adamı Şahzadə Davud və oğlu Süleyman Davud, "OceanGate"in qurucusu və baş direktoru, sualtı qayığın sahibi Stokton Raş və Fransız sualtı pilotu Paul Henri Nargeolet olub.
ABŞ Sahil Mühafizəsi Xidmətinin kontr-admiralı John Mauger hadisə sonrası açıqlamasında axtarışların və araşdırmaların davam edəcəyini açıqlayıb.
![icon](/images/loading.png)