"Xamenei İsrail hücumları zamanı ağır yaralanıb" | Tulsi Qabbard - Baku TV

"İran ali lideri Müctəba Xamenei təhlükəsizlik tədbirləri səbəbindən ictimaiyyət qarşısına çıxmır, lakin vəzifələrini yerinə yetirməyə davam edir".

CNN-in verdiyi məlumata görə, bu barədə Tehranın BMT-dəki daimi nümayəndəsi Əli Bəhreyni bildirib.

"Onun ictimaiyyət qarşısında görünməməsinin səbəbi mövcud xüsusi hallar fonunda təhlükəsizlik tədbirləri ilə bağlıdır", – deyə Ə.Bəhreyni vurğulayıb.

Qeyd edək ki, kəşfiyyat xidməti nümayəndələrinin ABŞ Prezidenti Donald Tramp üçün xüsusi brifinqləri zamanı dəfələrlə İran liderinin yoxluğunun sirri məsələsi qaldırılıb.

Adıçəkilməyən ABŞ məmurunun sözlərinə görə, Ağ Ev rəhbərinin milli təhlükəsizlik üzrə komandası Tehrandakı vəziyyətə, əslində, kimin nəzarət etdiyini müəyyənləşdirməyə çalışır.

Martın 19-da ABŞ Milli Kəşfiyyatının direktoru Tulsi Qabbard Konqresin Nümayəndələr Palatasının Kəşfiyyat Komitəsinin dinləmələrində bəyan edib ki, Müctəba Xamenei İsrailin hava hücumu zamanı ağır yaralanıb.