Pleyeri seçin:
“Qus” 50,1 milyon dollara alıcı tapdı
Nyu-Yorkda keçirilən hərracda 67 milyon il əvvəl yaşamış “Tirannozavr reks”in “Qas” adlı skeleti rekord qiymətə satılıb.
Təxminən 11,6 metr uzunluğunda olan fosil 50,1 milyon dollara alıcı taparaq dinozavr fosilləri üzrə əvvəlki hərrac rekordunu yeniləyib. Skeletin 20-30 milyon dollara satılacağı gözlənilirdi, lakin onun yüksək qorunma səviyyəsi və nadirliyi qiyməti əhəmiyyətli dərəcədə artırıb.
Təxminən 61 faiz tam olan “Qas” 183 fosil sümük elementindən ibarətdir və kəlləsinin 82 faizi qorunub saxlanılıb. Hərrac evi “Qas”ı indiyədək tapılmış ən iri və ən tam tirannozavr reks nümunələrindən biri kimi qiymətləndirib.
Beləliklə, 2024-cü ildə 44,6 milyon dollara satılan “Apeks” adlı steqozavrın rekordunu geridə qoyan “Qas” dinozavr fosilləri arasında yeni hərrac rekordunun sahibi olub.
Kopyalandı
Seçilmişlər
