Rusiya ballistik raketlər və dronlarla dəhşət saçdı | Qaynar nöqtədən bağlantı - Baku TV

Rusiya Ordusu Ukraynanın paytaxtı Kiyev və qonşu vilayətlərə raket və dronlarla hücum edib.

Baku TV-nin Şərqi Avropa bürosunun əməkdaşı Mübariz Aslanovun verdiyi məlumata görə, Kiyev və ətraf ərazilər 25 qanadlı və ballistik raketin, eləcə də 100-dən çox dronun hücumuna məruz qalıb.

Bildirilib ki, raket və dronların böyük əksəriyyəti Ukraynanın hava hücumundan müdafiə sistemi tərəfindən zərərsizləşdirilib. Lakin onların bir qismi hədəflərinə çatıb.

Qeyd edilib ki, hücum nəticəsində Kiyevin Solomianski və Darnitski rayonlarında ciddi dağıntılar qeydə alınıb. Solomianski rayonunda ərzaq mağazası və yaşayış evləri zərər görüb.

İlkin məlumata görə, Solomianski rayonunda 2 nəfər ölüb, təxminən 15 nəfər yaralanıb. Dağıntılar altında axtarış-xilasetmə işləri davam etdirilir. Ölən və yaralananların sayının artacağı istisna edilmir.