Rusiya Çinlə birləşdi, ara qarışdı | Zelenski tutulan çinlilər barədə təcili açıqlama verdi

“Ukrayna Təhlükəsizlik Xidməti saxlanılan Çin vətəndaşları ilə bağlı ilkin prosessual hərəkətləri həyata keçirir. Onlar Kiyevdədirlər. Müstəntiqlər müvafiq işləri aparırlar. Cəbhəyə necə getdikləri, Rusiyanın Ukraynaya qarşı apardığı müharibəyə necə qoşulduqları barədə məlumat verirlər”.

Bu sözləri Ukrayna Prezidenti Volodimir Zelenski söyləyib.

Ukraynalı lider deyir ki, Rusiya Ordusunun tərkibində olan digər Çin vətəndaşlarının da adları, soyadları və bu əsgərlərin işğalçı rus ordusuna daxil olma yolları ilə bağlı məlumatları var.

“Biz lazımi məlumatları diplomatik kanallar vasitəsilə Çin tərəfinə çatdıracağıq. Daha çox Çin vətəndaşının bu müharibəyə cəlb edilməsi, şübhəsiz ki, böyük problemi alovlandırır. Buna tamamilə prinsipial şəkildə cavab vermək lazımdır. İşğal kontingentinin gücləndirilməsi və sülhdən danışmaq bir-biri ilə uyğun gəlmir. Biz həm də tərəfdaşlarımızdan prinsipial dəstək gözləyirik”, ‒ o əlavə edib.