Rusiya, Ermənistan və Böyük Britaniya arasında nələr baş verəcək?

Böyük Britaniyanın silahlı qüvvələr naziri Ceyms Hippi parlamentarilərin "Ermənistanın KTMT-dən çıxmasının Londonun müdafiə sənayesi üçün potensial faydaları" haqda sualını cavablandırıb.

C.Hippi Böyük Britaniyanın bu qərarı Ermənistanın suveren hüququ kimi tanıdığını və Rusiyanın cavab təhdidləri qarşısında Ermənistanı dəstəkləmək üçün Avro-Atlantik müttəfiqləri ilə işləyəcəyini deyib.

Onun sözlərinə görə, bununla yanaşı, Ermənistanın KTMT üzvlüyünün dondurulması qurumdan rəsmi çıxış demək deyil: “Böyük Britaniya ATƏT-in silah embarqosunu imzalayan ölkədir və buna görə də Londonun müdafiə sənayesi üçün hər hansı fayda müəyyən edilmiş limitlər daxilində olmalıdır. Biz daha sıx əməkdaşlıq imkanlarını araşdırmaq üçün Ermənistanla sıx işləməyə davam edəcəyik”.